Prometeus

Lerro hauetan bideo honi buruzko nire iritzia irakurtzeko aukera izango duzue. Hau dela eta, irakurketarekin hasi haurretik bideoa ikustea ezinbesteko deritzot. Bideoa, oso interesgarria izateaz gain, modu honetan nire hitzei kritika sakonago bat egiteko moduan egongo zarete.
Bideo honetan, internetek gizartean ekar ditzakeen aldaketak azaltzen dizkigu. Zer nolako eragina duen internetek hedabideen munduan baita honi lotutako enpresetan ere. Egia esan, aldaketa hau ematen ari bada ere ez daukat hain argi hainbesteraino izango denik. Urtez urte emango den garapena eta ondorioak ikusteko aukera izan dugu. 
Bideo ikusi ondoren, hainbat gauza desberdin pentsatzen aritu naiz. Alde batetik, argi daukat emen ikusten duguna hain modu kaotikoan ematen ari ez bada ere, gure gizarteko gaur eguneko errealitate bat dela. Internetek gure bizitzatan gero eta leku handiago dauka eta konturatu gabe, askotan bestelako informazio iturriak alde batera usten ditugu, egunkariak adibidez. Bestetik, ez dut uste informazio iturri estatikoak hemen azaltzen zaigun moduan desagertzeko arriskua dutenik. Nire uste apalean, oraindik ere etxe askotan egunero erosten da egunkaria eta tabernatan zer esanik ez. Liburuekin ere berdina gertatzen dela deritzot. Musikan eta entziklopedietan, edo lan egiteko beste hainbat informazio iturriri dagokionez ez daukat hain argi izango duten geroaz. Ezin baitut ukatu, nik internet bidez lortzen dudala beharrezkoa dudan informazio eta argi daukat nire belaunaldikoen gehiengoak horrela egiten duela.
Bestalde, arestian aipatutakoarekin jarraituz irudikatzen duen geroari dagokionez ez nator erabat adoz. Interneten eragina oso handia bada ere, eta eragiten dituen aldaketak oso azkarrak direlarik ez dut uste hain urte gutxitan hedabide eta informazio iturri estatikoak desagertuko direnik. Egia da hauen erabilera jaitzi egin dela, baina uste dut oraindik ere gizarteko talde haundi bat erabiltzen duela. Beraz, ez naiz ausartzen kritika sakon bat egiten azken finean gizartearen esku baitago eta ez nirean. Nirean egongo balitz ez nuke hau gertatzea utziko.
Etorkizun beltz hau bete ez dadin eskolak badu zereginik ene ustetan. Askotan, era azkar batean bidaltzen dute irakasleak internet erabiliz lan egiteko eta eskolan ere hau erabiltzen dute. Nere ustetan, papelezko iturriak gehiago bultzatuz gizartearen bilakaera hau motelagoa izango litzate.
Guri dagokionez, pertsona fisiko giza ez daukat hain argi zer egin dezakegu. Azken finean, gizartearen korrontea aldatzea zu bakarrik ez baita hain erraza. Uste dut erabileraren kontzientzia hartu behar dugula eta honek dituen onurak eta desabantailak aztertu eta honen arabera modu egokian erabili.
 
Gairi buruz beste zerbait ikusteko gogoekin geratu bazarete honako bideo hau gomendatzen dizuet.